القطايف
المقادير
●٢ كوب طحين
●نص كوب سميد ناعم
●٣ معالق كبار سكر
●معلقة صغيرة خميرة فورية
●معلقة صغيرة بيكنج باودر
●نص معلقة صغيرة ملح
●كاستين ونص مي دافية (ممكن ٣ كاسات حسب الحاجة)
●معلقة صغيرة ماء الزهر
●معلقة كبيرة حليب بودرة(اختياري)
التحضير
●منترك العجينة تتخمر ٤٠ دقيقة وبعد التخمير منحركا منيح قبل ما نبلش بصب القطايف...
لتحضير القطر
كاستين سكر
كاسة مي
معلقة صغيرة عصير ليمون
القشطة هالمرة جبتا جاهزة ...بس اللي دايماً بعملا للحلويات بجيب لترين حليب واحيانا بضيف علبة كريمة طبخ صغيرة معن بيطلعو ادسم وبس يسخن الحليب قبل الغليان بشوي بحط معو فنجان قهوة خل ابيض فبيفرط...بس يفرط بشيل القشطة اللي بتطلع ع جنب وبصفيا وبحطا بالبراد لتبرد بضيف عليها علبة قشطة بوك صغيرة وبستخدما
أنا بشوي القطايف الجوز والجبنة بالفرن بدهن وشن سمنة او زبدة وبحمرن شوي ووقت التقديم بضيف القطر..اذا بدكن تقلوهن لازم زيت نضيف ونسكرا منيح قبل القلي مشان ما تفتح 🤩
